«Իմ ֆիլմում՝ իմ ստեղծած նախագահն իր օգնականի տված հարցին պատասխանում է՝ ես նրան չեմ պարտվել, ես պարտվել եմ շատ ավելի հզոր մարդկանց»,- այսօր՝ ՀՀ 3-րդ նախագահ Սերժ Սարգսյանի հետ հարցազրույցում, ասաց «Իշխանություն» ֆիլմի սցենարիստ և ռեժիսոր Մհեր Մկրտչյանը, այնուհետև դիմելով Սարգսյանին, հարցեց՝ ո՞ւմ, պարո՛ն նախագահ։
«Նախ պետք է ասեմ, որ այդտեղ շատ ճիշտ եզրակացության ես եկել․ այո՛, ես չեմ պարտվել սրանց, ես պարտվել եմ շատ ավելի ուժեղ մարդկանց, շատ ավելի մեծ ուժերի»,- պատասխանեց Սարգսյանը։