Այսօր Հայ Ազգային Կոնգրեսի ներկայացուցիչները ևս այցելեցին Հաղթանակի զբոսայգի՝ հարգանքի տուրք մատուցելու Հայրենական մեծ պատերազմի հերոսներին: ՀԱԿ փոխնախագահ Լևոն Զուրաբյանն այսօր լրագրողների հետ զրույցի ժամանակ հայտարարեց, թե «Հայաստանում Փաշինյանն արեց ավազակապետական հեղափոխություն»: Նա նաև հայտարարել, որ ՀԱԿ-ը երբեք Փաշինյանի համար չի նախատեսել պետական կառավարման որևէ լուրջ դեր, քանի որ, Զուրաբյանի գնահատմամբ, երկրի ղեկին պետք է լինեն միայն կոմպետենտ մարդիկ: «2008-ի շարժմանը Փաշինյանին ոչ մեկ ոչ մի բանի համար չի օգտագործել: Նա ինքնուրույն է եկել և միացել շարժմանը: Իրեն ո՛չ ինչ-որ խոստում է տրվել, ո՛չ ինչ-որ բան: Մենք միշտ էլ շատ նորմալ ենք ընդունել, երբ մարդիկ անկեղծ ցանկանում են աջակցել որևէ շարժման, բայց դա չի նշանակել, որ մենք փոխարենը պատրաստվում էինք նրան պաշտոն տալ»,- ասաց Զուրաբյանը: Մանրամասները՝ տեսանյութում: |