YouTube-ը կսկսի գովազդներ տեղադրել հարթակում հրապարակված բոլոր տեսանյութերում: Այս մասին տեղեկությունը հրապարակվել է ընկերության պաշտոնական կայքում: Նորամուծությունն ուժի մեջ կմտնի հունիսի 1-ից:

Ներկայում գովազդները տեղադրված են այն տեսանյութերում, որոնք հրապարակած օգտատերերը միացած են գործընկերության ծրագրին: Վերջինին միանալու համար պետք է բավարարել երկու նախապայման՝ բաժանորդների թիվը պետք է լինի առնվազն 1000, իսկ տարեկան դիտումների ընդհանուր ժամանակը՝ 4000 ժամ:

Բացի այդ, ԱՄՆ-ից դուրս բնակվող կոնտենտի բոլոր հեղինակների եկամուտները կսկսեն համարվել ռոյալթի և կհարկվեն ԱՄՆ օրենսդրության համաձայն: