ԵԱՀԿ գործող նախագահ, Շվեդիայի արտաքին գործերի նախարար Անն Լինդեն մտահոգություն է հայտնել Հայաստանի և Ադրբեջանի սահմանին ստեղծված իրավիճակի կապակցությամբ:

«Մտահոգված եմ հայ-ադրբեջանական սահմանին միջադեպերի վերաբերյալ հաղորդագրություններով: Բոլոր չլուծված հարցերը պետք է լուծվեն խաղաղ բանակցությունների միջոցով: ԵԱՀԿ-ը պատրաստ է աջակցել և վստահություն հաստատող միջոցներ ձեռնարկել՝ երկխոսությանը նպաստող մթնոլորտ ստեղծելու համար»,- նշել է Լինդեն: