Աշխարհի ամենահարուստ մարդը՝ Amazon-ի հիմնադիր Ջեֆ Բեզոսը, հայտնել է, որ եղբոր հետ հուլիսի 20-ին իր Blue Origin ընկերության New Shepard տիեզերանավով կուղևորվի տիեզերք:
«5 տարեկանից երազել եմ դեպի տիեզերք թռչելու մասին։ Հուլիսի 20-ին եղբորս հետ կմեկնեմ այդ ճանապարհորդությանը։ Մեծագույն արկած՝ իմ լավագույն ընկերոջ հետ»,- Instagram-ում գրել է Բեզոսը։
Ավելի վաղ Blue Origin-ն առցանց աճուրդ է սկսել New Shepard տիեզերանավում 1 ուղևորի համար նախատեսված տեղի համար։ Թռիչքը նախատեսված է հուլիսի 20-ին: Առցանց աճուրդի արդյունքը պարզ կլինի հունիսի 12-ին։
Blue Origin ընկերությունը հայտնել է, որ Բեզոսները կթռչեն աճուրդի հաղթողի հետ։
Blue Origin-ը New Shepard տիեզերանավը 15 փորձնական թռիչք է իրականացրել, վերջինն՝ ապրիլի կեսերին։