+15 °C, +15 °C ... +28 °C Վաղը`+28 °C
Մայիսի 12-ին ադրբեջանական ուժերը ներխուժել են Սյունիքի մարզի Սև լճի տարածք և այդ օրվանից մեծ հատվածի նկատմամբ վերահսկողություն սահմանել։ Ադրբեջանը պնդում է, որ տարածքն իրեն է պատկանում, սակայն, հակառակ իրենց պնդումների, Խորհրդային քարտեզներն ապացուցում են, որ լճի տարածքի զգալի հատվածը հայկական կողմին է պատկանում։ «Հրապարակը» Սյունիքի մարզի Գորիս համայնքի ղեկավարի տեղակալ Իրինա Յոլյանից հետաքրքվել է, թե ինչ նորություն կա Սև լճի հետ կապված։ «Իմ տվյալներով՝ որևէ փոփոխություն չկա», - ասել է նա։ Հարցին՝ ադրբեջանցները փորձո՞ւմ են առաջանալ, գիշերը կրակոցներ եղե՞լ են, Յոլյանը պատասխանեց․ «Չէ, չէ։ Փառք Աստծո։ Որևէ միջադեպ, որևէ խնդրահարույց իրավիճակ չի ստեղծվել։ Ընդհանուր առմամբ, այն իրավիճակը, որն ունեինք մայիսի 12-ի դրությամբ, մինչև այժմ շարունակվում է մնալ նույնը։ Դիրքային ոչ մի փոփոխություն չկա»։ Հարցին՝ ադրբեջանական ուժերի հետքաշման ուղղությամբ ինչ-որ բանակցություններ կա՞ն, Յոլյանը պատասխանել է, որ որևէ պաշտոնական տեղեկություն չկա։ «Բանակցությունների մասին որևէ պաշտոնական հայտարարություններ չկան։ Վերջին բանակցություններից հետո էլ արդեն տևական ժամանակ որևէ պաշտոնական տեղեկատվություն չկա: Հարցին՝ իմքայլականները գալիս-գնում են Գորիս, փոխհամայնքապետը դժվարացել է ասել։ «Չեմ կարող ասել։ Որևէ տեղեկություն չունեմ»,- եզրափակել է Իրինա Յոլյանը։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am