«Մեդիադաշտում ահավոր վայնասուն է. փորձ են անում բոլոր հնարավոր ձևերով վերականգնել իրենց նախկին քարոզչական թեզերը, բայց, իհարկե, դա իրենց չի հաջողվի»,- այսօր՝ Սյունիքի մարզի Գորայք համայնքում նախընտրական քարոզարշավի ժամանակ հայտարարեց ՔՊ-ի վարչապետի թեկնածու Նիկոլ Փաշինյանը։ «Երեկ մի շարք համայնքներում հայտարարել եմ, որ կան ապաշնորհ որոշ պաշտոնյաներ, և ես Մեղրիի, Քաջարանի, Գորիսի նաև Սիսիանի բնակիչներին խոստացել եմ, որ իրենք այդ պաշտոնյաներին տեսնելու են ասֆալտի վրա պառկած»,- նշեց Փաշինյանը։ «Որպես բարի կամքի դրսևորում՝ այդ պաշտոնյաներին խորհուրդ եմ տալիս առաջիկա օրերին ինքնակամ պառկել իմ նշած ասֆալտի հատվածներում, սելֆի անել և էդ նկարները դնել իրենց ֆեյսբուքյան էջերում, որ ազգային համաձայնության մթնոլորտում էդ խնդիրը լուծենք»,- հավելեց նա։ |