«Շատ ահազանգեր են գալիս, որ, օրինակ, «Գազպրոմ Արմենիա» ընկերությունից մարդկանց տանում են հանրահավաքի կամ պարտադրում են, որ պետք է ընտրել որևէ մեկին»,- այսօր՝ Ջերմուկում նախընտրական քարոզարշավի ժամանակ, ասաց ՔՊ-ի վարչապետի թեկնածու Նիկոլ Փաշինյանը։

Ներկաներից մեկը նշեց, որ փաստեր կան այդ առնչությամբ, ինչին ի պատասխան Փաշինյանն ասաց․ «Հույս ունեմ՝ էդ փաստերը չեն հաստատվի, որովհետև, հակառակ դեպքում, շատ ծանր հետևանքներ կունենա։ «Գազպրոմ Արմենիա»-ի ցանկացած աշխատող, ով էդպիսի գործունեությամբ կզբաղվի, մինչև հուլիսի 15-ը ազատվելու ա աշխատանքից, էլ չեմ խոսում քրեական պատասխանատվության մասին։ Չհասկացա, «Գազպրոմ Արմենիա»-ն կարա Հայաստանում Հայաստանի Կառավարության ու ժողովրդի դեմ աշխատի՞․․․ Մտքներովդ չանցնի, կդատվեք՝ հատ-հատ»։