«Պատիվ ունեմ» դաշինքի ներկայացուցիչ Էդուարդ Շարմազանովը, այսօր՝ ասուլիսի ժամանակ, ի պատասխան այն դիտարկմանը, որ հնարավոր է իշխանությունը ընտրությունների օրը «դեբոշներ սարքի», ասաց․ «Գլուխը պատով կտա՝ դեբոշներ կսարքի։ Երևանը և Հայաստանը պոլիգոն չեն, որ այստեղ քաղաքացիական բախումներ գնան»։ Հարցին, թե հավանական համարո՞ւմ է արդյոք ընտրությունների երկրորդ փուլը, ասաց․ «Ես երկրորդ փուլ չեմ տեսնում։ Համոզված եմ, որ այս կապիտուլյանտ իշխանությունն արդեն երկար ժամանակ է՝ չունի իշխանություն և ժողովրդի վստահությունը Հայաստանում։ Բոլոր մարզեր գնում են՝ դրսից մարդկանց տանելով։ Տեղացի մարդ չկա։ Ես կարծում եմ, որ ազգային ընդդիմությունն առաջին իսկ փուլում 50+1 տոկոս ձայներ կունենա»։ |