Բելառուսի նախագահի նախկին թեկնածու, ընդդիմության առաջնորդ Սվետլանա Տիխանովսկայան կարծում է, որ իր կողմնակիցները կկարողանան հաղթանակ տանել ԱՄՆ նախագահ Ջո Բայդենի օգնությամբ: Այս մասին նա հայտարարել է National Interest ամսագրին տված հարցազրույցում։ «Բայդենի օգնությամբ մենք կհաղթենք»,- ասել է քաղաքական գործիչը: Ինչպես նշում է հրատարակությունը, Տիխանովսկայան հույս է հայտնել, որ Ջո Բայդենի վարչակազմը կաջակցի Բելառուսի ընդդիմությանն ու երկիրը կդարձնի ժողովրդավարական: Ավելի վաղ Տիխանովսկայայի մամուլի ծառայությունը հայտնել էր, որ ԱՄՆ այցի ժամանակ նա բարձր մակարդակի հանդիպումներ կունենա Պետդեպարտամենտում և Սպիտակ տանը: |