Ֆրանսիայի Տուլոն քաղաքի դատախազությունը գործ է հարուցել գովազդային վահանակի վրա Ֆրանսիայի նախագահ Էմանուել Մակրոնին՝ Ադոլֆ Հիտլերի կերպարում պատկերելու համար, հաղորդել է France Bleu ռադիոկայանը: Ֆրանսիայում գործ է հարուցվել՝ Հիտլերի կերպարում Մակրոնին պատկերելու պատճառով Դեպքի հետաքննությամբ զբաղվում է Տուլոնի ոստիկանության բաժանմունքի անվտանգության ծառայությունը: Գովազդային վահանակների վրա արված պատկերի հեղինակի դեմ՝ զրպարտության մեղադրանքով քննություն է սկսվել: Ինչպես նշում է ռադիոն, անցած հանգստյան օրերին գովազդային վահանակներից մեկի վրա հայտնվել է սև գույնի մակագրություն՝ գլխատառերով «ամոթ» բառը: Var-Matin տարածաշրջանային թերթի տվյալներով՝ ծաղրանկարի հեղինակը տեղացի ակտիվիստ Միշել-Անժ Ֆլորին է, ով հայտնի է նման ակցիաներով: Նա այդ կերպ ցանկացել է հեգնանքով արտահայտվել Ֆրանսիայում սանիտարական նորմերի և բուժաշխատողների համար պարտադիր պատվաստումների մասին, նշում է հրատարակությունը: |