+21 °C, +16 °C ... +28 °C Վաղը`+28 °C
Դատական տեղեկատվական համակարգից հայտնում են, որ կնոջը ծեծելու համար մեղադրանք է առաջադրվել տեգրին և սկեսուրին։ Մ․Թ․-ի սկեսուրը՝ Գ․Ա․-ն, մայիսի 6-ին իր տանը որդու՝ Հ․Հ․-ի հետ միասին ծեծել է իր մյուս որդու նախկին կնոջը՝ Մ․ Թ․-ին՝ երեխաների խնամքի հարցի շուրջ ծագած վիճաբանության ընթացքում։ Մեղադրական եզրակացության մեջ նշվում է, որ սկեսուրը հողաթափով երկու և ավելի անգամ տարբեր ուժգնությամբ հարվածներ է հասցրել Մ․Թ․-ի մարմնի տարբեր մասերին՝ պատճառվելով ֆիզիկական ցավ և ձախ գոտկային շրջանի, ձախ ազդրի արյունազեղման և քերծվածքի ձևով թեթև վնասի հատկանիշներ պարունակող վնասվածքներ։ Մեղադրանք է առաջադրվել նաև Հ․Հ․-ին։ Նշվում է, որ նա քաշել է Մ․Թ․-ի մազերից, այնուհետև աջ բռունցքով երկու և ավելի անգամ հարվածներ է հասցրել Մ․Թ․-ի նրա դեմքի շրջանին՝ պատճառվելով ֆիզիկական ցավ և քթի մեջքի փափուկ հյուսվածքների սալջարդի և կզակի շրջանի արյունազեղման ձևով թեթև վնասի հատկանիշներ զպարունակող վնասվածքներ։ Գործը մակագրվել է Արարատի և Վայոց ձորի մարզերի ընդհանուր իրավասության դատարանի դատավոր Թաթուլ Պողոսյանին։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am