+21 °C, +16 °C ... +28 °C Վաղը`+28 °C
Միացյալ Նահանգների նախկին նախագահ Դոնալդ Թրամփի խորհրդական Ջոն Բոլթոնը կարծիք է հայտնել, որ Աֆղանստանից ԱՄՆ-ի «ողբերգական հեռացումը» կհանգեցնի աշխարհի ռազմավարական վերակազմակերպման: Այս մասին գրում է The Wall Street Journal-ը: Նրա խոսքով, Չինաստանն ու Ռուսաստանը Միացյալ Նահանգների համար «գերագույն գլոբալ հակառակորդներ» են համարվում, ովքեր արդեն փորձում են «այս ամենից օգուտ քաղել» և աշխարհն «ավելի վատը դարձնել»: «Մոտակա հեռանկարում Չինաստանն՝ արձագանքելով ինչպես Աֆղանստանից եկող սպառնալիքներին, այնպես էլ դրա ընձեռած հնարավորություններին, կփորձի մեծացնել առանց այդ էլ իր զգալի ազդեցությունը Պակիստանում: Ռուսաստանն, իր հերթին, նույնը կանի Կենտրոնական Ասիայի նախկին խորհրդային պետություններում: Եվ այս երկու երկրներն՝ Իրանի հետ մեկտեղ, կընդլայնեն իրենց նախաձեռնությունների շրջանակը Մերձավոր Արևելքում: Իսկ այն, որ Սպիտակ տունը պատրաստ է արձագանքել այս սպառնալիքներից որևէ մեկին՝ այնքան էլ հավանական չէ»,-ասել է Բոլթոնը: Նա նաև շեշտել է, որ Պեկինն ու Մոսկվան օգտագործում են աշխատանքի բնական բաժանում՝ սպառնալով ԱՄՆ-ին և նրա դաշնակիցներին «երեք տարբեր թատերաբեմերում». Չինաստանը՝ Ճապոնիայից մինչև Հնդկաստան և Պակիստան, Ռուսաստանը՝ Արևելյան և Կենտրոնական Եվրոպայում, իսկ ռուս-իրանա-չինական գործընկերությունը՝ Մերձավոր Արևելքում: Բոլթոնը կարծում է, որ ԱՄՆ-ն՝ իր քաղաքականությունը պլանավորելիս, պետք է հաշվի առնի բազմաթիվ սպառնալիքներ, որոնք միաժամանակ հայտնվում են այս և այլ «թատերաբեմերում»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am