Ազգային ժողովի «Քաղաքացիական պայմանագիր» խմբակցության պատգամավոր Խաչատուր Սուքիասյանի եղբայրը՝ Ռոբերտ Սուքիասյանը 55 միլիոն ՀՀ դրամ գրավի դիմաց ազատ է արձակվել: Այս մասին «Ֆակտոր»-ին տեղեկացրել է Սուքիասյանի պաշտպան Գոռ Միքայելյանը: Դատարանը բավարարել է պաշտպանական կողմի միջնորդությունը, որը քննվել է երեկ։ Հիշեցնենք, որ Ռոբերտ Սուքիասյանին մեղադրանք է առաջադրվել ՀՀ ՔՕ 258-րդ հոդվածի 4-րդ մասով (խուլիգանություն, որը կատարվել է զենքի կամ որպես զենք օգտագործվող առարկաների գործադրմամբ):