«Բարձրաստիճան պաշտոնյաներին արգելվել է գնալ Արցախ և դրա մասին մենք իմանում ենք, երբ որ Ադրբեջանից հնչում են նման հայտարարություններ: Քանիերորդ անգամ դա մենք լսել ենք: Երբ որ բարձրաձայնում ենք, ասում են՝ դե ինչ եք Ադրբեջանի հայտարարություններով առաջնորդվում: Շատ ակնհայտ է, որ Ստոկհոլմի բանակցությունները խափանվել են, երբ Ադրբեջանն ասել է, որ պատգամավորներն էլ իրավունք չունեն հատել էդ սահմանը: Մարդիկ ամեն տեղ ճնշումներ են բանեցնում առ այն, որ Ղարաբաղի հարց գոյություն չունի, այն ադրբեջանական տարածք է, և դուք պետք է սովորեք, որ Ադրբեջանից հարցնեք՝ այցելել Ղարաբաղ, թե ոչ»,- լրագրողների հետ զրույցում տեղեկացրեց «Հայաստան» խմբակցության պատգամավոր Արմեն Ռուստամյանը: