+21 °C, +12 °C ... +21 °C Վաղը`+15 °C
Ֆրանսիայի նախագահ Էմանուել Մակրոնն իր ֆեյսբուքյան էջում ադրբեջաներենով գրառում էր կատարել՝ Ադրբեջանի նախագահ Իլհամ Ալիևի հետ երեկ ունեցած հանդիպումից հետո։ «Մենք պետք է ուղիներ գտնենք կայուն խաղաղության համար։ Երեկ երեկոյան մենք առաջ շարժվեցինք այս ուղղությամբ՝ նախագահ Ալիևի և վարչապետ Փաշինյանի հետ»,- ասված է գրառման մեջ։ Գրառմանը կցել է Ալիևի հետ լուսանկար:  Մակրոնի ադրբեջաներեն գրառումը Մակրոնի այս գրառումը, սակայն, տեսանելի չէ հայկական լսարանի համար: Ադրբեջաներեն գրառման կարգավորումներն արված են այնպես, որ դրա տարածման հասանելիությունը լինի միայն Ադրբեջանը: Փոխարենը հայկական լսարանին տեսանելի է մեկ այլ, արդեն՝ հայերեն գրառում, որտեղ Մակրոնը սիրաշահում է այս անգամ Հայաստանին. «Մենք երբեք չենք լքի հայերին։ Մշտապես փնտրելու ենք տևական խաղաղությանն ուղղված լուծումներ։ Կոչ եմ անում, որ տոնական շրջանը լինի մարդասիրական առաջընթացների և հաշտության շրջան»: Գրառմանը կցել է տեսանյութ՝ Փաշինյանին ողջունելու արարողությունից:  Մակրոնի հայերեն գրառումը Հատկանշական է, որ Մակրոնի վերջին գրառումը, որը եռալեզու է՝ ֆրանսերեն, հայերեն և ադրբեջաներեն, հրապարակային է՝ հասանելի է բոլորին: «Arménie, Azerbaïdjan, ensemble.  Մակրոնի եռալեզու գրառումը Հավելենք, որ MAMUL.am-ի հավաստի տեղեկություններով, Արցախի տարածքում հասանելի են Մակրոնի միայն ադրբեջաներեն գրառումները, իսկ հայերեն գրառումները՝ ոչ: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am