Շաբաթ երեկոյան Ղազախստանի Ալմաթի քաղաքում կրկին կրակոցներ են հնչե, որտեղ չեն դադարում անկարգությունները։ Այս մասին ՏԱՍՍ-ի փոխանցմամբ հայտնում է ղազախական «Օրդա» պարբերականը։

Ըստ տվյալների՝ ինքնաձիգից կրակահերթի ձայն է լսվել Ալմաթիի Հանրապետության հրապարակից դեպի արևմուտք, որտեղ վերջին օրերին բախումներ էին տեղի ունեցել զանգվածային անկարգությունների մասնակիցների և իրավապահների միջև։

Բացի այդ, ինչպես հայտնում է ղազախական պարբերականը, երեկոյան Ալմաթիում ազդանշանների ձայներ են լսվել։ Նմանատիպ ծանուցումներ իշխանություններն ավելի վաղ օգտագործել էին՝ քաղաքի բնակիչներին փողոց դուրս չգալու մասին նախազգուշացնելու համար, քանի որ գործում է հակաահաբեկչական օպերացիայի ռեժիմ։