86 տարեկանում կյանքից հեռացել է ՌՍՖՍՀ ժողովրդական արտիստ Լեոնիդ Կուրավլյովը։ Դերասանին կհուղարկավորեն Մոսկվայի Տրոեկուրովսկի գերեզմանատանը, հրաժեշտի և հուղարկավորության օրը դեռ որոշված չէ․ «Ինտերֆաքս»-ին հայտնել է իրազեկ աղբյուրը։ Ինչպես հայտնում է «Էքսպրեսս-Գազետա»-ն, արտիստը վերջին օրերն անցկացրել է Մոսկվայի Միլիոնշչիկովայի հիվանդանոցում, որտեղ նրան ուղարկել էին կորոնավիրուսով վարակվելու պատճառով։ Դերասանի՝ Կոմունարկայի հիվանդանոցի վերակենդանացման բաժանմունք հոսպիտալացման մասին հայտնի է դարձել հունվարի 10-ին։ Բժիշկները նրա վիճակը գնահատել են ծանր։ Ինչպես ավելի ուշ հայտնել են Ռուսաստանի Դաշնության կինեմատոգրաֆիստների միությունից, արտիստի մոտ թոքաբորբ է ախտորոշվել, կորոնավիրուս չի հաստատվել։ Կուրավլյովը հոսպիտալացվել է հունվարի 5-ին Մոսկվայի քաղաքային վերականգնողական կենտրոնից։ Հունվարի 22-ին, ըստ լրատվամիջոցների, արտիստը դուրս է գրվել հիվանդանոցից և տեղափոխվել վերականգնողական կենտրոն՝ ապաքինման համար։ |