Ինչպես արդեն հայտնել ենք, ԱՄՆ ֆինանսների նախարարությունը հայտարարել է պատժամիջոցների ենթակա անձանց ցուցակի ընդլայնման մասին։ Թարմացված ցուցակում, մասնավորապես, ներառվել են Բելառուսի նախագահի կինը՝ Գալինա Լուկաշենկոն, ինչպես նաև ՌԴ պաշտպանության նախարարի առաջին տեղակալ Ռուսլան Ցալիկովը և ռազմական գերատեսչության պետի տեղակալները՝ բանակի գեներալ Դմիտրի Բուլգակովը, գեներալ-գնդապետ Յունուս-Բեկ Եվկուրովը, գեներալ-գնդապետ Յուրի Սադովենկովը, գեներալ-գնդապետ Գենադի Ժիդկոն և «քաղաքացիական» տեղակալներ Թիմուր Իվանովը, Ալեքսեյ Կրիվորուչկոն և Նիկոլայ Պանկովը։ Բացի այդ, պատժամիջոցների տակ են հայտնվել «Ռոսօբորոնէքսպորտի» ղեկավար Ալեքսանդր Միխեևը և Ռազմատեխնիկական համագործակցության դաշնային ծառայության տնօրեն Դմիտրի Շուգաևը։ |