+23 °C, +20 °C ... +35 °C Վաղը`+35 °C
ՌԴ Արտգործնախարար Սերգեյ Լավրովը Եվրոխորհրդի գլխավոր քարտուղարին է փոխանցել կազմակերպությունից Ռուսաստանի դուրս գալու որոշումը, Telegram-ում հայտնել է Պետդումայի փոխխոսնակ, ԵԽԽՎ-ում ռուսական պատվիրակության ղեկավար Պյոտր Տոլստոյը։ «Եվրոխորհրդի հետ երկխոսությունը խզելու ողջ պատասխանատվությունը կրում են ՆԱՏՕ-ի երկրները, որոնք այս ամբողջ ընթացքում օգտագործում են մարդու իրավունքների թեման՝ սեփական աշխարհաքաղաքական շահերն իրացնելու և մեր երկրի վրա հարձակումներ իրականացնելու համար»,- ասել է նա։ Տոլստոյի խոսքով՝ «աննախադեպ քաղաքական և պատժամիջոցային ճնշման» պատճառով Ռուսաստանը չի նախատեսում տարեկան ներդրում կատարել այս կազմակերպությունում։ Ինչպես նշել է ռուսական պատվիրակության ղեկավարը, Մոսկվան որոշել է դուրս գալ Եվրոխորհրդից «ԵԽԽՎ-ում հակառուսական հերթական քննարկման ֆոնին, որի արդյունքը կարող է լինել հերթական կեղծ ռուսաֆոբ բանաձևը՝ հիմնված ենթադրությունների վրա, որոնք իրականության հետ ոչ մի կապ չունեն»։ Նա հավելել է, որ Ռուսաստանը դուրս է գալիս Եվրոխորհրդից «իր կամքով, սա հավասարակշռված ու կշռադատված որոշում է»։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am