Եվրոմիությունը պատժամիջոցների նոր ցուցակներ է հրապարակել ռուսական ընկերությունների, ձեռնարկատերերի, պաշտոնյաների և նրանց ընտանիքների անդամների դեմ։ Պատժամիջոցների տակ գտնվող կառույցների ցանկում ներառված են Ռուսաստանի խոշորագույն նավթագազային ընկերությունները՝ «Ռոսնեֆտ»-ը, «Գազպրոմ Նեֆթ»-ը և «Տրանսնեֆտ»-ը:

Դրանցից բացի, պատժամիջոցների ցանկը ներառում են հետևյալ ընկերություններ՝ «Օբորոնպրոմ», «Միացյալ ավիաշինական կորպորացիա», «Ուրալվագոնզավոդ», «Ալմազ-Անթեյ», «ԿամԱԶ», «Ռոստեկ», «Սևմաշ», «Սովկոմֆլոտ», «Միացյալ նավաշինական կորպորացիա»:
ԵՄ իրավասության տարածքում նրանց հետ ցանկացած գործարք և տրանսակցիաներ արգելված են, քանի որ այդ կառույցները վերահսկվում են պետության կողմից։

Միաժամանակ Եվրոմիությունը չի արգելել նավթի, գազի և այլ օգտակար էներգակիրների առևտուրն այդ ընկերությունների հետ։ Այս կատեգորիաների ապրանքների համար պատժամիջոցների ցանկում բացառություն է նախատեսված։ «Արգելքը չի տարածվում այն ​​գործառնությունների վրա, որոնք անհրաժեշտ են հանածո վառելիքի, մասնավորապես ածուխի, նավթի բնական գազի, ինչպես նաև տիտանի, ալյումինի, պղնձի, նիկելի, պալադիումի և երկաթի հանքաքարի ներմուծման կամ փոխադրման համար Ռուսաստանից կամ դրա միջոցով»,- ասվում է փաստաթղթում։