Տեղեկատվական անվտանգության գերմանական դաշնային գրասենյակը (BSI) խորհուրդ է տվել այլընտրանք գտնել հակավիրուսային ծրագրերի մշակող Kaspersky Lab-ի հավելվածներին:

«Ռուսաստանի ռազմական կամ հետախուզական ծառայությունների գործողությունները և Ռուսաստանի կողմից ԵՄ-ին, ՆԱՏՕ-ին և Գերմանիային սպառնացող վտանգները ներկայիս ռազմական հակամարտության ընթացքում կապված են քիբերհարձակման զգալի ռիսկի հետ»,- ասվում է հայտարարության մեջ:

Վարչակազմի կարծիքով՝ ՏՏ արտադրանքի ռուսաստանյան արտադրողին, օրինակ, կարող են «ստիպել հարձակվել թիրախային համակարգերի վրա՝ իր կամքին հակառակ»։

BSI-ը նախազգուշացրել է, որ անտիվիրուսից օգտվողները, որոնք ներառում են նաև ընկերություններ և իշխանություններ, կարող են ենթարկվել կիբերհարձակման: