Մարտի 16-ից Armenia Airways-ը Boeing-737 ինքնաթիռով կբացի Երևան-Մոսկվա ուղիղ չվերթները, հայտնում է Մոսկվայի «Վնուկովո» օդանավակայանի մամուլի ծառայությունը։
Չվերթները նախատեսվում է իրականացնել շաբաթական չորս անգամ՝ չորեքշաբթի և հինգշաբթի օրերին, շաբաթ և կիրակի օրերին։
Առաջիկայում ավիաընկերությունը մտադիր է ավելացնել Երևանի և հարևան երկրների միջև չվերթների քանակը։ Ծրագրերը ներառում են նաև Ռուսաստանի և Հայաստանի միջև ուղևորների, բեռների և փոստի փոխադրումների ակտիվ զարգացումը։