Եվրոպայում Volkswagen-ը և BMW ավտոընկերությունները որոշել են դադարեցնել որոշ գործարանների աշխատանքը, հայտնում է Financial Times-ը։ Այս քայլի պատճառը եղել է այն դետալների բացակայությունը, որոնք ներկրվել են Ուկրաինայից։ Մասնավորապես, էլեկտրական մալուխների ներմուծման ընդհանուր ծավալի մոտ հինգերորդ մասը մատակարարվել է այնտեղից։ BMW-ն և Volkswagen-ը ստիպված են եղել փակել գործարանները ամբողջ Եվրոպայում այն բանից հետո, երբ ռուսական ներխուժումը ստիպել է փակել ուկրաինական էլեկտրակայանները: Բացի այդ, ընկերությունները լուրջ դժվարություններ են ունեցել լոգիստիկայի կազմակերպման հետ կապված։ Այնուամենայնիվ, որոշ մատակարարների հաջողվել է վերսկսել իրենց աշխատանքը, և գերմանական Volkswagen-ը, ինչպես ասել է ընկերության գործադիր տնօրեն Հերբերտ Դիեսը, սկսել է փնտրել խնդրի լուծման այլընտրանքային ուղիներ, այդ թվում՝ չբացառելով սարքավորումները փոխելու հնարավորությունը: |