Ուկրաինայի Գերագույն ռադայի կոմիտեն Վլադիմիր Զելենսկիին այսօր կոչ է արել Ռուսաստանի Դաշնությունից մի շարք կատարողների զրկել «Ուկրաինայի ժողովրդական և վաստակավոր արտիստ» կոչումից։
«Մարդասիրական և տեղեկատվական քաղաքականության կոմիտեն դիմել է նախագահ Վլադիմիր Զելենսկիին՝ հետևյալ անձանց «Ուկրաինայի ժողովրդական արտիստ» և «Ուկրաինայի վաստակավոր արտիստ» պատվավոր կոչումներից զրկելու՝ Նիկոլա Բասկով, Վլադիմիր Բորտկո, Վասիլի Գերելլո, Ֆիլիպ Կիրկորով, Իգոր Կրուտոյ, Անի Լորակ, Սվետլանա Լոբոդա, Տաիսիա Պովալի», - ասվում է Գերագույն ռադայի թելեգրամ-ալիքում:

Պատճառն այն է, որ նրանք սատարում են Ռուսաստանի՝ իրենց բնորոշմամբ՝ հատուկ ռազմական գործողությունն Ուկրաինայում: