Մեծ Բրիտանիան սահմանափակում է Ռուսաստանի հետ համատեղ գիտական ​​նախագծերի ֆինանսավորումը, ասվում է բիզնեսի, էներգետիկայի և արդյունաբերական ռազմավարության նախարարության կայքում։

«Կառավարությունը որոշել է դադարեցնել պետականորեն ֆինանսավորվող գիտահետազոտական ​​և նորարարական համագործակցությունը ռուսական բուհերի և ռուսական պետության համար ռազմավարական նշանակություն ունեցող ընկերությունների հետ», - ասվում է հայտարարության մեջ։

Համատեղ հետազոտությունների շուրջ միջկառավարական երկխոսությունը նույնպես դադարեցված է։ Բազմակողմ գիտական ​​համագործակցության շրջանակներում Լոնդոնը «անհրաժեշտության դեպքում» գործընկերների հետ կքննարկի հետագա քայլերը, նշել են նախարարությունից։

Նոր սահմանափակումների նպատակը բրիտանական իշխանություններն անվանել են «բացասական ազդեցություն» Ռուսաստանի իշխանությունների և Ռուսաստանի կառավարության հետ կապված քաղաքացիների ու կազմակերպությունների վրա։ Գերատեսչությունում ընդգծել են, որ իրենք անհատական ​​պատժամիջոցներ չեն սահմանում «անվնաս» գիտական ​​շահեր ունեցող ռուս հետազոտողների նկատմամբ։