Ռուսական ЛУКОЙЛ նավթային խոշորագույն ընկերության հիմնադիր, ադրբեջանցի գործարար Վագիթ Ալեքպերովը լքում է տնօրենների խորհուրդը և ընկերության նախագահի պաշտոնը, այս մասին հայտնում է ընկերության կայքը: «Վ. Ալեքպերովն ընկերությանը տեղեկացրել է տնօրենների խորհրդի, ինչպես նաև ընկերության նախագահի լիազորությունների ժամկետից շուտ հրաժարվելու որոշման մասին»,- նշված է տեքստում: Ավելի վաղ հայտնել էինք, որ Մեծ Բրիտանիայի սահմանած պատժամիջոցների տակ է հայտնվել 206 իրավաբանական և ֆիզիկական անձ, այդ թվում՝ Ալեքպերովը։ |