Ուկրաինայում ռազմական հատուկ գործողությունը միակ միջոցն էր Ռուսաստանի համար՝ կանխելու իր տարածքի դեմ ագրեսիան, այս մասին Մոսկվայի Կարմիր հրապարակում Հաղթանակի շքերթի ժամանակ հայտարարել է ՌԴ նախագահ Վլադիմիր Պուտինը: «Վտանգն օրեցօր մեծանում էր: Ռուսաստանը նախազգուշացնող հակահարված տվեց ագրեսիային: Դա հարկադրված, ժամանակին և միակ ճիշտ որոշումն էր՝ ինքնիշխան, ուժեղ, անկախ երկրի որոշում»,- հավելել է նա: «Դեկտեմբերին մենք առաջարկեցինք համաձայնագիր կնքել անվտանգության երաշխիքների վերաբերյալ։ Ռուսաստանը կոչ արեց Արևմուտքին ազնիվ երկխոսություն վարել, որոնել փոխզիջումային խելամիտ լուծումներ և հաշվի առնել միմյանց շահերը։ Ամեն ինչ ապարդյուն էր․ ՆԱՏՕ-ի երկրները չցանկացան լսել մեզ, իսկ դա նշանակում է, որ իրականում նրանք բոլորովին այլ ծրագրեր ունեին, և մենք դա տեսանք»,- շարունակել է Պուտինը։ |