ՆԱՏՕ-ի գլխավոր քարտուղար Յենս Սթոլթենբերգը կրկին կոչ է արել Ռուսաստանին՝ դադարեցնել ռազմական գործողություններն Ուկրաինայում։ Die Welt-ին տված հարցազրույցում նա ասել է, որ Ռուսաստանի իշխանությունները նախկինում պարբերաբար օգտագործել են Հաղթանակի օրը՝ «Արևմուտքի մասին ստեր տարածելու և ՆԱՏՕ-ին քննադատելու համար»։ «Մայիսի 9-ին ևս մեկ անգամ կոչ եմ անում նախագահ Պուտինին՝ անհապաղ դադարեցնել պատերազմը, դուրս բերել զորքերն Ուկրաինայից և սկսել խաղաղ բանակցությունները։ Մենք ամուր կանգնած ենք Ուկրաինայի կողքին»,- ասել է ՆԱՏՕ-ի գլխավոր քարտուղարը։ |