«5 տարվա մեջ աշխատողները՝ զբաղվածները, 1.011.000-ից իջել են 993.000-ի: Սա այն ֆոնին, որ վարչապետը հայտարարում է, թե գրանցված աշխատողներն ավելացել են: Վիճակագրորեն գոյություն ունի 2Տ ձևաթուղթ: Վիճակագրորեն ֆիքսվում է զբաղված մարդը: Մարդը կարող է տարվա մեջ 5 անգամ աշխատել ու 5 անգամ գրանցվել: 10 անգամ բացատրեցինք, որ քո վիճակագրությունը, որին մենք չենք հավատում, ֆիքսում է, որ գործազուրկների թիվը պակասում է: Ժողովուրդ ջան, գործազրկության տոկոսը նվազել է, որովհետև գործ չունեցողները թողել-գնացել են երկրից»,- Ֆրանսիայի հրապարակում, ներկայացնելով տնտեսական վիճակը նկարագրող վիճակագրական փաստեր, հայտնեց ՀՀ նախկին վարչապետ Հրանտ Բագրատյանը: