ՄԱՄՈՒԼ.ամ
Hay / Հայ | Рус | Eng | Tür
USD 406.09, EUR 419.78, RUB 6.70, GBP 495.67
+24 °C, +21 °C ... +34 °C Վաղը`+36 °C
Ալիևը հիասթափված է՝ Երևանը վերջին պահին չեղարկել է սահմանազատման պրոցեսը
22:06, 18.05.2022 | mamul.am
6173 | 0

Ադրբեջանի նախագահ Իլհամ Ալիևը հիասթափված է, որ Հայաստանը վերջին օրը չեղարկել է սահմանների սահմանազատման՝ ադրբեջանական աշխատանքային խմբի հետ համաձայնեցված հանդիպումը, իսկ ավելի ուշ հրաժարվել է նոր հանդիպման առաջարկից։
«Ադրբեջանը ժամանակին ստեղծեց աշխատանքային խումբ (սահմանազատման հարցերով - խմբ.) և պատրաստ էր պատվիրակություն ուղարկել, հարցը համաձայնեցված էր հայկական կողմի հետ, ի դեպ, հենց Հայաստանի ԱԳՆ-ն էր առաջարկել առաջին հանդիպումը անցկացնել սահմանին... Հայաստանը չեղյալ է հայտարարել արդեն համաձայնեցված հանդիպումը, սա շատ հիասթափեցնող է, էլ՛ ավելի հիասթափեցնող էր Հայաստանի հրաժարումը մայիսի 7-11-ը սահմանին նոր հանդիպում անցկացնելու առաջարկից»,- ասել է Ալիևն իր լիտվացի գործընկեր Գիտանաս Նաուսեդայի հետ համատեղ ասուլիսում:
Հակառակորդ երկրի ղեկավարը հավելել է, որ Բաքուն դեռևս սպասում է Երևանից նոր ժամկետների՝ աշխատանքը սկսելու համար։

Կիսվի՛ր այս նյութով՝
| |
դեպի վեր