Լրագրող Արմեն Դուլյանը ֆեյսբուքյան իր էջում գրել է․ «Լավ էլի...
Նախագահ Վահագն Խաչատրյան. «Գոնե չասեն, որ երկրում բռնապետություն է, քաղբանտարկյալներ կան։ Բռնապետության դեպքում փողոցում ոչ մի մարդ չէր լինի, բռնապետության դեպքում փախած էին»...
Մարդ պարզապես զարմանում է՝ լավ, որքա՞ն կարելի է կրկնել նույն անհեթեթ պնդումը՝ դիկտատուրա լիներ, մի մարդ էլ չէր համարձակվի փողոցում բողոքել դրա դեմ.... Գոնե վերջին տարվա համաշխարհային փորձը ուսումնասիրեք՝ բռնապետության դեմ կարգախոսներով մարդիկ փողոց էին դուրս եկել Սալվադորում, Մյանմայում, Հաիթիում, Թաիլանդում, Իրանում, նույնիսկ Կուբայում... Ասում եք, բայց այնտեղ ոստիկանները բերման են ենթարկել տասնյակ ցուցարարների.... Կներեք, իսկ մեզ մոտ ոստիկանները ցուցարարներին ծաղիկներ ու կոնֆետ են բաժանել, չէ՞...
Ախր երբ նման պարզունակ բաներ է ասում երիտասարդ ու անփորձ պատգամավորը, էլի մի կերպ հասկանալի է, բայց ախր Դուք, պարոն նախագահ, կարծես թե լուրջ մարդ եք»: