Բելառուսի նախագահ Ալեքսանդր Լուկաշենկոն վստահեցրել է, որ իր օրոք հանրապետությունը չի կորցնի իր անկախությունը և չի միացվի այլ պետության։ Այս մասին հայտնում է BelTA-ն։ «Իմ օրոք՝ ոչ, ձեր օրոք՝ չգիտեմ: Միացում չի լինելու: Ինչպե՞ս կարող ես դավաճանել մի բանի, որը տասնամյակներ շարունակ սեփական ձեռքերով ես սոսնձել։ Գործող նախագահի օրոք դա անհնար է»,- ասաց նա՝ ընդգծելով, որ ՌԴ իշխանությունները նման մտադրություն չունեն։ «Նախագահ Պուտինն ինձ երբեք չի ասել՝ լսի, արի միացի Ռուսաստանին: Երբեք»,- Լուկաշենկոյին մեջբերում է Interfax-ը: |