+21 °C, +16 °C ... +28 °C Վաղը`+28 °C
«Ֆակտոր»-ի հարցազրույցը ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի հետ – Պարո՛ն Քոչարյան, Պաշտպանության նախարար Սուրեն Պապիկյանը մեկնել է Հնդկաստան։ Կարծեք թե, Դելիի հետ ռազմական համագործակցություն է ձևավորվում, այցի նպատակները որո՞նք են։ -Այս համագործակցությունն արժեքավոր է այն առումով, որ Հնդկաստանն ունի նոր ձեռքբերումներ սպառազինության առումով։ Բնականաբար, մեր համագործակցությունը Հնդկաստանի հետ ռազմաքաղաքական է։ Բավականին շոշափելի է հիմա։ Հիմա, ինչ դուք տեսնում եք, նշանակում է, որ բանակաշինության հարցում կարևոր դերակատարումը վերապահված է սպառազինությանը և անձնակազմի վերապատրաստմանը։ -Մեկ ամսվա ընթացքում Հայաստան ԱՄՆ-ից բարձրաստիճան պաշտոնյաների պատվիրակություններ ժամանեցին, այդ թվում՝ Քոնգրեսի Ներկայացուցիչների պալատի խոսնակ Նենսի Փելոսին։ Ամերիկյան կողմը հայտարարեց, որ ցանկանում են լսել, թե Երևանն ինչպիսի համագործակցություն է ակնկալում Վաշինգթոնից։ Ի վերջո, ի՞նչ առաջարկներ եղան ԱՄՆ-ին։ -Հաշվի առնելով, որ մենք ՀԱՊԿ անդամ ենք, ունենք պարտավորություններ, բայց անկաշկանդ ենք մեր երկրի անվտանգությունը բավարար հիմքերի բերելու առումով։ Հնարավոր և անհնար միջոցներով պետք է մեր խնդիրների լուծմանը հասնենք։ Դա նշանակում է, որ մենք ունենք երկխոսություն այլ երկրների քաղաքական մարմինների հետ։ Քոնգրեսի ղեկավարի այցը Հայաստան շատ կարևոր էր, և եղավ Պաշտպանության նախարարի այցը ԱՄՆ, Ֆրանսիա, Հնդկաստան։ Գնում է ակտիվ բանակաշինության պրոցեսը։ -Քննարկումներն ինչի՞ շուրջ են։ -Բանակաշինության։ Առավել մանրամասն՝ տեսանյութում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am