+13 °C, +13 °C ... +28 °C Վաղը`+28 °C
«Հայկական կինոյի ինդուստրիալ զարգացման» մշակութային հիմնադրամի և «Երևանի կարճամետրաժ ֆիլմերի միջազգային կինոփառատոնի» նախաձեռնությամբ, ՀՀ կրթության, գիտության, մշակույթի և սպորտի նախարարության աջակցությամբ` «Երեւանի կարճամետրաժ ֆիլմերի միջազգային փառատոնը» այս տարի անց է կացվում Կոտայքի մարզի երեք քաղաքներում` Հրազդանում, Ծաղկաձորում և Աբովյանում։ Պաշտոնական բացումը տեղի ունեցավ նոյեմբերի 18-ին` «ՀՀ 2022 թվականի Երիտասարդական մայրաքաղաք» հռչակված Հրազդանում։ Բացման արարողությանը ներկա են եղել ֆիլմերի հեղինակներ արտասահմանյան և հայկական կինոյից, հյուրեր, ժյուրիի անդամներ, դերասանուհի, հաղորդավար Սաթենիկ Ղազարյանը, կինոօպերատոր, մոնտաժի ռեժիսոր Նիկիտա Կորնևը, կինոքննադատ, ռեժիսոր Րաֆֆի Մովսիսյանը: Բացմանը ցուցադրվել է վեց ֆիլմ տարբեր երկրներից։  Կայացավ «Երևանի կարճամետրաժ ֆիլմերի միջազգային փառատոնը» Այս տարի ստացած հինգ հարյուր քսանչորս հայտերն աշխարհի վաթսունութ երկրից են։ Մրցութային ծրագրում ընդգրկվել է երեսուներեք ֆիլմ` տասը երկրից, որից տասնութը հանդիսատեսին է ներկայացվել ազգային ծրագրում, իսկ մնացած տասնհինգը` միջազգային ծրագրում: Կինոփառատոնի փակումը տեղի կունենա վաղը` նոյեմբերի 21-ին, Աբովյանում։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am