+16 °C, +16 °C ... +28 °C Վաղը`+28 °C
Արցախի արտաքին գործերի նախկին նախարար, արտակարգ և լիազոր դեսպան Կարեն Միրզոյանը 24TV-ի եթերում, անդրադառնալով օրեր առաջ Ռուբեն Վարդանյանին ուղղված Ալիևի հայտարարությանը, նշել է․ «Ալիևը, ազդարարելով Վարդանյանին որպես ՌԴ-ի կողմից ուղարկված մարդ, փորձում է բախման բերել մեծ տերությունների շահերը՝ երկրներին անուղղակի կոչ անելով միջամտել և սատարել Ադրբեջանի դիրքորոշմանը, որպեսզի ՌԴ-ն Արցախում չամրապնդվի: Սա վտանգավոր քաղաքականություն է, որովհետև որոշակի ժամանակ կարող ես խաղալ գերտերությունների շահերի հետ, բայց, ի վերջո, շահում է այն ուժը, որն ավելի մեծ հնարավորություններ ունի»: Խոսելով Ադրբեջանում առկա խնդիրների մասին՝ Միրզոյանը նկատել է․ «Ալիևը մեծ խնդիրներ ունի. Ադրբեջանն իր արտաքին քաղաքականության ոլորտում շարժվում է Թուրքիայի օրակարգով, դարձել է Թուրքիայի հլու կամակատարը, որը պայմանավորված է Էրդողանի անձով։ Սակայն մյուս տարի Թուրքիայում ընտրություններ են, և ոչ մեկ չի կարող հստակ երաշխավորել, թե ո՞ր ուժը կհաղթի: Պարզ է, որ ընտրությունները ցնցումներով լի են լինելու, և Ալիևն ուզում է հասկանալ՝ ի՞նչ կարող է անել, եթե Էրդողանը ընտրություններից հետո հեռանա»։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am