ՄԱՄՈՒԼ.ամ
Hay / Հայ | Рус | Eng | Tür
USD 396.02, EUR 431.27, RUB 5.71, GBP 490.04
0 °C, -3 °C ... 0 °C Վաղը`+5 °C
«Պետբյուջեով ոստիկանությանը տրամադրվող գումարները շատ ավելի են, քան բանակին տրամադրվող գումարները». տնտեսագետ
15:30, 30.11.2022 | mamul.am
1388 | 1

Տնտեսագետ, «Այլընտրանք» հետազոտական կենտրոնի ղեկավար Թաթուլ Մանասերյանը «Sputnik Արմենիա» կենտրոնում, վերլուծելով 2023 թվականի ՀՀ բյուջեի ուժեղ և թույլ կողմերը, ասել է․ «Մենք ունենք պարադոքսալ վիճակ, երբ տնտեսությունն աճում է երկնիշ թվով, և աղքատությունը ոչ թե նվազում է, այլ մեկ ուրիշ զուգահեռով աղքատությունն էլ է աճում։ Ոչ միայն այստեղ է տրամաբանության խզումը, այլ նաև ստացված եկամուտները, որոնք գնում են պետական բյուջե, պետք է ուղղվեն այն ծախսերի ֆինանսավորմանը, որոնք առաջնահերթություններ են, սակայն դա այդպես չէ: Օրինակ՝ գիտությանը հատկացված ֆինանսավորումը գրեթե 6 անգամ զիջում է ոստիկանությանը տրամադրած ծախսերին, որոնք, ի դեպ, շատ ավելի են, քան բանակին տրամադրվող գումարները։ Թռիչքաձև աճում են պետական պաշտոնյաների աշխատավարձերը»:

«Տարեսկզբից ՀՀ է ժամանել ավելի քան 300 հազար քաղաքացի Ռուսաստանից, Ուկրաինայից, Բելառուսից և այլ երկրներից, որը ՀՀ ընդհանուր բնակչության 10 տոկոսն է։

Դա չի կարող չազդել և չապահովել երկնիշ աճ և չազդել հարկային եկամուտների աճի վրա, սակայն տարեվերջին աղքատության մակարդակը հասնում է 42 տոկոսի։ ՀՀ-ում յուրաքանչյուր երկրորդ մարդ աղքատ է։ Աղքատության մակարդակի հակառեկորդը պատկանում է Շիրակի մարզին, որտեղ այդ ցուցանիշը գերազանցում է 60 տոկոսը»,- ավելացրել է Մանասերյանը։

«Պետբյուջեով ոստիկանությանը տրամադրվող գումարները շատ ավելի են, քան բանակին տրամադրվող գումարները». տնտեսագետ
Կիսվի՛ր այս նյութով՝
| |
16:26, 03.02.2023
6533 | 0
դեպի վեր