Աշխարհում ոչ ոք չի ցանկանում միավորել և ամրապնդել ռուս ժողովրդին, բացի Ռուսաստանից, «որն էլ դա անում է», ասել է ՌԴ նախագահ Վլադիմիր Պուտինը Երիտասարդական քաղաքականության պետական ​​խորհրդի նիստից հետո մամուլի ասուլիսի ժամանակ։

«Ոչ ոք չի ցանկանում ռուս ժողովրդի միավորումը. Պառակտում՝ խնդրեմ, մեծ հաճույքով կշարունակեն ավելի մասնատել: Բայց ոչ ոք չի ուզում մեր համախմբումն ու ամրապնդումը։ Բացի մեզանից։ Եվ մենք դա կանենք։ Եվ մենք դա կանենք»,- ընդգծել է Պուտինը։

Նա նաև հայտարարել է, որ «Ռուսաստանը ձգտում է ուկրաինական հակամարտության շուտափույթ ավարտին» և մտադիր չէ թափանիվն ավելի ու ավելի շատ պտտել։

«Մենք անելու ենք ամեն ինչ, որ դա ավարտվի։ Եվ ինչքան շուտ, այնքան լավ, իհարկե»,- ասել է Պուտինը։

Նրա խոսքով՝ Ռուսաստանի նպատակն է «վերջացնել այս պատերազմը», իսկ «Մոսկվան կշարունակի ձգտել դրան»։ «Մոսկվան նաև ձգտում է պաշտպանել մարդկանց, ովքեր զգում են, որ իրենք «մեր ժողովրդի մի մասն են, մեր մշակույթի մի մասն են»,- ասել է Պուտինը՝ նշելով, որ մարտերի ինտենսիվության աճը հանգեցնում է «չհիմնավորված կորուստների»։

Պուտինը նաև ասել է, որ «բոլոր հակամարտող կողմերը միշտ, վաղ թե ուշ, միշտ նստում են բանակցությունների սեղանի շուրջ և պայմանավորվում», որքան շուտ «մեր հակառակորդները» գիտակցեն այս փաստը, այնքան լավ, շարունակել է նա՝ հավելելով, որ «Ռուսաստանը երբեք չի հրաժարվել» երկխոսությունից, մինչդեռ Ուկրաինայի իշխանություններն իրենք իրենց արգելել են բանակցել»։