ԱՄՆ Պետքարտուղար Էնթոնի Բլինքենը ճեպազրույցում պարզաբանել է, որ 2021 թվականի գարնանը Աֆղանստանից ամերիկյան զորքերի հապճեպ դուրսբերումը կարող է պայմանավորված լինել Վաշինգթոնի ստացած այն տվյալներով, ըստ որոնց Ռուսաստանը հարձակում է նախապատրաստում Ուկրաինայի վրա, որն ի վերջո սկսվել է 2022 թվականի փետրվարին։ «Եթե մենք դեռ լինեինք Աֆղանստանում, դա մեծապես կբարդացներ այն աջակցությունը, որը մենք կարող ենք տրամադրել Ուկրաինային»,- ասել է ամերիկյան արտաքին քաղաքականության վարչության ղեկավարը։ Բլինքենի խոսքերով, ԱՄՆ-ի արևմտյան դաշնակիցները նույնպես սահմանափակված կլինեին Կիևին օգնելու իրենց հնարավորություններով: |