+30 °C, +20 °C ... +34 °C Վաղը`+36 °C
Մայր Աթոռ Սուրբ Էջմիածնի դիվանապետ, Գերագույն հոգևոր խորհրդի անդամ Արշակ եպիսկոպոս Խաչատրյանը 24 TV-ի եթերում խոսել է երկրում ստեղծված իրավիճակի, իշխանությունների վարած քաղաքականության մասին. «Օրեր առաջ Ֆուտբոլի աշխարհի առաջնության մրցաշարն էր, պարտությունից հետո ֆուտբոլի հավաքականների գլխավոր մարզիչներն իրենց բարոյական պարտքը համարեցին հեռանալ՝ արձանագրելով, որ ձախողել են: Անհասկանալի է՝ ինչպե՞ս կարող է անձը բարձրագոչ ծրագրերի մասին հայտարարություն անել, իսկ մեկ տարի անց՝ ձախողելուց հետո, նորից հավակնել այդ պաշտոնին: Եթե իր առաջնորդությունը հանգեցրել է աղետի, պետք է բարոյական պատասխանատվություն ունենալ, ձախողումը ընդունել ու հեռանալ»։ Հարցին՝ «արդյոք առկա՞ է եկեղեցի-իշխանություն համագործակցություն», Արշակ եպիսկոպոս Խաչատրյանն արձագանքել է. «Իշխանության հետ համագործակցություն գոյություն չունի, մասնակի պատահական հանդիպումներ են լինում, ինչը համագործակցություն անվանել հնարավոր չէ։ Բանակցային գործընթացի վերաբերյալ Վեհափառ Հայրապետի և բարձրաստիճան եկեղեցականների մակարդակում տեղեկատվություն չկա, պաշտոնական խողովակով չի իրազեկվում, դա արդեն գործելաոճ է դարձել»։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am