Անկարայում սպանվել է «Իդեալիստական ​​օջախներ» թուրքական կազմակերպության, որն առավել հայտնի է որպես «Գորշ գայլեր», նախկին ղեկավարը՝ պրոֆեսոր Սինան Աթեշը, հայտնում է Sözçü թերթը։
«Գորշ գայլերը» թուրքական ազգայնական երիտասարդական կազմակերպություն է: Այն ստեղծվել է 1960-ականների վերջին գնդապետ Ալփարսլան Թյուրքեշի նախաձեռնությամբ՝ Ազգայնական շարժում կուսակցության (MHP) հովանու ներքո և հավատարիմ է պանթուրքիզմի գաղափարախոսությանը։
Թերթի տվյալներով՝ Աթեշը և նրա ընկեր Սելման Բոզքուրթը սպանվել են Չանքայա շրջանում գտնվող իրենց տնից դուրս գալու պահին երկու մոտոցիկլավարների կողմից։
«Սինան Աթեշը վիրավորվել է գլխից, իսկ Սելման Բոզքուրթը վիրավորվել է ուսի շրջանում: Սինան Աթեշը, որին դեպքի վայր ժամանած 112 շտապօգնության խումբը սրտի մերսում է արել, այնուհետև տեղափոխել մասնավոր հիվանդանոց, մահացել է»,- գրում է թերթը:
Նշվում է, որ ծանուցումն ստանալուց հետո դեպքի վայր են ուղարկվել բազմաթիվ ոստիկանական խմբեր։
Habertürk հեռուստաալիքի փոխանցմամբ՝ փաստացի բերման է ենթարկվել երեք մարդ։