Համաշխարհային արժեթղթերի և պարտատոմսերի շուկաները 2022 թվականին կորցրել են ավելի քան 30 տրիլիոն դոլար, գրում է Financial Times-ը։ Սա ամենաբարձր ցուցանիշն է 2008 թվականի համաշխարհային ֆինանսական ճգնաժամից ի վեր։
MSCI All-World Broad Developed and Emerging Markets Index-ը կորցրել է իր արժեքի մեկ հինգերորդը: S&P 500-ն ընկել է 19%-ով, Nasdaq-ը՝ 33%-ով։ MSCI Europe ինդեքսը եվրոյով նվազել է 11%-ով, իսկ չինական հիմնական ֆոնդային ինդեքսները յուանով նվազել են 22%-ով:
Աշխարհի բոլոր ֆոնդային բորսաներում շրջանառվող ընկերությունների շուկայական արժեքը նվազել է 25 տրիլիոն դոլարով։ Միևնույն ժամանակ, նշում է FT-ն, արժեթղթերի շուկայում անկումն ուղեկցվել է պարտատոմսերի շուկայում կորուստներով, ինչը չի նկատվել նախորդ ֆինանսական ճգնաժամերի ժամանակ։
Անկման հիմնական պատճառները հրատարակությունը նշում է տոկոսադրույքների բարձրացումը ԱՄՆ-ում և այլ զարգացած երկրներում բարձր գնաճի ֆոնին, ինչպես նաև Ուկրաինայի պատերազմը, որը խաթարեց մատակարարման համաշխարհային շղթաները: