Bild-ի թղթակից Բյորն Շտրիցելը, ով լուսաբանում է պատերազմն Ուկրաինայում, հրետակոծության հետևանքով վիրավորվել է։ Այս մասին հայտնել է գլխավոր խմբագիր Յոհաննես Բոյեն։ «Շտրիցելը բեկորային վնասվածք է ստացել՝ Ուկրաինայում ռուսական ագրեսիան լուսաբանելիս: Այս պահին նա հնարավորինս ապահով վայրում է և վնասվածքը շատ լուրջ չէ: Այնուամենայնիվ, սա խոսում է այն դժվարությունների մասին, որի միջով անցնում են լրագրողները՝ իրականությունը ներկայացնելու համար»,- գրել է Բոյեն: |