Չեխիայում մեկնարկել է նախագահական ընտրությունների առաջին փուլը։ Պաշտոնի համար պայքարում է 8 թեկնածու, սակայն հասարակական կարծիքի հարցումները ցույց են տալիս, որ նրանցից միայն երեքն ունեն հաղթելու հնարավորություն: Նրանք են՝ նախկին վարչապետ և գործարար Անդրեյ Բաբիշը, տնտեսագետ և նախկին ռեկտոր Դանուշա Ներուդովան և պաշտոնաթող գեներալ, ՆԱՏՕ-ի ռազմական կոմիտեի նախկին ղեկավար Պյոտր Պավելը։ Երկրի գործող նախագահ Միլոշ Զեմանը պաշտոնավարում է 2013 թվականից, նա երկու անգամ հաղթել է ընտրություններում: |