Բաքուն պատրաստ է Ադրբեջանի, Հայաստանի և Ռուսաստանի արտգործնախարարների՝ հետաձգված եռակողմ հանդիպման շուտափույթ անցկացմանը, այս մասին հայտարարել է Ադրբեջանի ԱԳ նախարար Ջեյհուն Բայրամովը, գրում է Report-ը: «Վերջին օրերին մենք տեսել ենք Հայաստանի կողմից մանիպուլյատիվ քաղաքականություն: Կոչ ենք անում խուսափել սխալ դիրքորոշումից: Խաղաղության օրակարգն առաջ տանելը մշտապես եղել է Ադրբեջանի նախաձեռնությունը, և մեր բոլոր հիմնարար սկզբունքները ներկայացված են Հայաստանին»,- ասել է այդ երկրի պաշտոնյան: |