ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+6 °C, +6 °C ... +8 °C Վաղը`+11 °C
«Իրական վտանգը Ռուսաստանի համար ոչ թե Արևմուտքն է, այլ թյուրքական աշխարհը». Արա Պողոսյան
02:18, 03.02.2023 | mamul.am
3791 | 2

Քաղաքագետ Արա Պողոսյանը տեսանյութ է տարածել իր էջում՝ գրելով. «Այն, ինչ ասում է Լավրովը, պետք չէ զարմանալ, դա լրիվ տեղավորվում է այն գծի մեջ, որով այսօր առաջնորդվում է իր երկիրը։ Ռուսաստանն այսօր շատ ու ավելի շատ է կախված Թուրքիայից ու Ադրբեջանից, քան երբևէ։
Միևնույն ժամանակ, սա չի նշանակում, թե մենք պետք է ծայրահեղությունների մեջ ընկնենք։
Անկասկած է, որ շուտով Ռուսաստանին սպառնալու է թյուրքական վտանգը։
Վերջերս Թուրքիայի նախագահ Ռեջեփ Էրդողանը հայտարարեց, որ Թուրքիայի բոլոր խնդրանքները «Թաթարստանի, Դաղստանի և բոլոր այդ շրջանների համար» գտնում են պատասխաններ, չմանրամասնելով, թե կոնկրետ ինչ պատասխանների ու խնդրանքների մասին է խոսքը։
Մոտ մեկ ամիս առաջ կարծիք էի հայտնել, որ Ռուսաստանին սպառնում է 1071 թվականը, ինչպես ժամանակին Բյուզանդիային։
Իրական վտանգը Ռուսաստանի համար ըստ էության ո՛չ թե Արևմուտքն է, այլ թյուրքական աշխարհը, և դա շուտով իրենց կաշվի վրա կզգան ռուսները»։

Կիսվի՛ր այս նյութով՝
դեպի վեր