ԵՄ խորհուրդը մեկ տարով երկարացրել է Բելառուսի դեմ պատժամիջոցները, որոնք սահմանվել են «ներքին բռնաճնշումների համար»։ Այս մասին ասված է Խորհրդի հրապարակված հայտարարության մեջ։ «ԵՄ խորհուրդը որոշել է ևս մեկ տարով երկարաձգել Բելառուսում ներքին բռնաճնշումների հետ կապված սահմանափակող միջոցները: Որոշումն ընդունվել է իրավիճակի տարեկան վերլուծության հիման վրա՝ հաշվի առնելով Բելառուսում իրավիճակի լրջությունը: Պատժամիջոցներն ուժի մեջ կլինեն մինչև 2024 թվականի փետրվարի 28-ը»,- ասվում է փաստաթղթում։ ԵՄ խորհուրդն այս որոշումը կայացնելիս հաշվի է առել հանրապետության ներգրավվածությունը ուկրաինական պատերազմին։ Բելառուսի վերաբերյալ սև ցուցակում ընդգրկված է 195 մարդ և 34 կազմակերպություն։ |