«Անկասկած, տարածաշրջանային անվտանգությունը շարունակում է մնալ շատ արդիական թեմա մեր հարաբերություններում ոչ միայն երկկողմ, այլև բազմակողմ»,- Ալիևի հետ հանդիպման ժամանակ շեշտել է ՌԴ ԱԳ նախարար Սերգեյ Լավրովը: Բազմաթիվ միջազգային գործընկերներ, ներառյալ նրանք, որոնք գտնվում են այս տարածաշրջանից հեռու, մեծ հետաքրքրություն են ցուցաբերում աջակցելու՝ Ադրբեջանի և Հայաստանի միջև կարգավորմանը, նշել է նա: «Մենք, ինչպես բազմիցս ասել է Ռուսաստանի նախագահ Վլադիմիր Պուտինը, ողջունում ենք բոլոր ջանքերը, որոնք բխելու են իրավիճակի կայունացման շահերից և պայմաններ են ստեղծում, որպեսզի այստեղ գտնվող բոլոր երկրները հնարավորություն ունենան նորմալ համագործակցելու՝ փոխադարձ հարգանքի և փոխադարձ շահի հիման վրա»,- շեշտել է Լավրովը: |