«Իմ գնահատմամբ, Լաչինի միջանցքի փակումն ավելի մեծ վնաս պատճառեց Ադրբեջանին, քան ՀՀ-ին ու Արցախին՝ քաղաքական առումով: Այո՛, մենք տուժեցինք, այո՛, մեր հայրենակիցները փակված են, այո՛, մենք ծանր ենք տանում, բայց քաղաքական առումով Ադրբեջանը հայտնվել է փակուղում, ու Արցախի ժողովուրդը՝ դիմանալով, պետք է քաղաքական այս ամբողջ ուժն օգտագործի»,- ԱԺ-ում լրագրողների հետ ճեպազրույցում շարունակելով անդրադարձը Հաագայի դատարանի որոշմանն ու Լաչինի միջանցքի փակ լինելուն, ասաց ԱԺ նախագահ Ալեն Սիմոնյանը: