«Մարտի 1-ը բացահայտված է, բայց մեղավորները դեռևս պատասխանատվության չեն ենթարկվել ընդամենը տարբեր պատճառներով, մի շարք իրավական որոշումներով»,- Մարտի 1-ի հուշակոթողի բացման արարողության ժամանակ՝ պատասխանելով լրագրողի հարցին, թե Դուք հայտարարում էիք, որ բացահայտված է Մարտի 1-ը, ասաց ՀՀ վարչապետ Նիկոլ Փաշինյանը:

«Մինչև հիմա, որ Մարտի 1-ի մարդասպանները հայտնաբերված չեն, դա չի նշանակում, որ դա այդպես չէ:

Այս գործի հետ կապված՝ ամենամեծ խնդիրներիցն մեկը հետևյալն է, որ քրեական գործի վարույթներով հիմնավորվել, ապացուցվել է, որ նախաքննությունը, որն իրականացվել է Մարտի 1-ից անմիջապես հետո, ոչ միայն ամբողջ ջանքերը չի գործադրել, որպեսզի տեղի ունեցած հանցագործությունը բացահայտվի, այլև բոլոր հնարավոր ջանքերը գործադրել է, որ բացահայտումը կամ դժվար լինի, կամ տեղի չունենա»,- ասաց Փաշինյանը: